Sakit Qocayev/ Bakıxanov 13a Ünvanımız
09:00 - 18:00 İş saatı

FAQ

Hədəf Kurslarının neçə filialı var?

Hədəf Kursları hazırda 9 filialda fəaliyyət göstərir. Nizami, Azadlıq, Xırdalan, Qara Qarayev, Əhmədli, Əcəmi, Yasamal ,Sumqayıt və Mehdiabad filialı. Filiallarımızın ünvan və telefonları saytın “Filiallar” bölməsində qeyd edilib.

Şagirdlərə vəsaitlər pulsuz verilirmi?

Hədəf şagirdləri Hədəf nəşrlərinə aid olan dərslikləri ödənişsiz əldə edir. 10-cu siniflər üçün yalnız kitablar, 11-ci siniflər üçün isə kitablar və test bankları ödənişsizdir.

Dərslər neçə növbədə keçilir?

Kursda dərslər iki növbədə keçilir. Məzunlar üçün səhər, 9, 10 və 11-ci siniflər üçün isə orta məktəbdəki dərs cədvəllərinə uyğun olaraq günorta növbəsində dərs təyin olunur. Səhər növbəsində dərslər 9:30-da, günorta növbəsində isə 15:00-da başlanılır.

Kursda vakansiya varmı?

Hədəf Kurslarına müəllim qəbulu ildə 1 dəfə – may ayında elan edilir. Bu zamana qədər toplanan cv-lərə baxılır və burada göstərilən nömrələrə imtahan müddətinə az qalmış sms göndərilib imtahana dəvət edilir. İyun ayının əvvəli isə imtahan keçirilir. Yalnız ekstra hallarda tədris ilinin ortasında bəzi ixtisaslar üzrə vakansiya elan olunur. Bu isə Hədəf Kurslarının facebook və instagram səhifəsində yerləşdirilir.

İmtahan mövzularını necə əldə etmək olar?

İmtahan mövzuları hər ay təyin olunmuş imtahan tarixindən 10 gün əvvəl saytımızın “imtahan mövzuları” bölməsində verilir.

İmtahan cavabları nə zaman elan olunur?

Keçirilən imtahanının cavabları-MİQ, summativ, magistr imtahanları ən gec 2 gün ərzində, fənn blokları və buraxılış imtahan nəticələri isə 10 gündən gec olmayaraq İmtahan mərkəzi tərəfindən elan olunur. Siz cavabları əldə etmək üçün aldığınız kuponla birgə filiallarımızdan hər hansı birinə müraciət edə bilərsiniz.

Hədəf Kurslarında təhsil haqqı nə qədərdir?

Bildiyiniz kimi Hədəf Kursları 9 filialda fəaliyyət göstərir. Ödənişlə bağlı uyğun filiala müraciət edərək ətraflı məlumat əldə etmək mümküdür. Filiallarda yerdəyişmə olduğu halda belə qiymət dəyişilmir.

Dərslərə gec qatılan şagirdlər nə etməlidir?

Bildiyiniz kimi dərslərimiz sentyabr ayında başlanılır. Lakin noyabr ayına qədər qeydiyyatımız davam edir. Əgər şagird dərslərə gec başlayırsa o qətiyyən narahatlıq hissi duymasın. Bu zaman şagird oxuduğu filialın müdir müavininə yaxınlaşaraq, ona geri olduğu mövzuları mənimsəməsi üçün əlavə dərslər təyin edilməsini xahiş edir. Bir neçə əlavə dərsdən sonra şagirdin bu problemi tamamilə aradan qaldırılır.

Hədəf Kurslarının iş saatları necədir?

Hədəf Kurslarının filialları şənbə günü də daxil olmaqla, həftə içi hər gün 9:00-dan 19:00-a qədər fəaliyyət göstərir. Müraciət edə bilərsiniz.

Dil kursları üçün hara müraciət edə bilərik?

Hədəf Kurslarının bütün filiallarına müraciət edə bilərsiniz.

Rus bölməsi üzrə hazırlıq hansı filiallarınızda keçilir?

Hədəf Kurslarında Rus bölməsi 5 filialda keçirilir: Azadlıq, Yasamal,Əcəmi, Qara Qarayev, Əhmədli.

Sınaq imtahanının nəticəsini necə əldə etmək olar?

Sınaq imtahanının nəticəsini imtahandan 10 gündən gec olmayaraq online şəkildə imtahanim.net saytından və yaxud bilet aldığınız filildan əldə edə bilərsiniz.